Аԥсны Жәлар Реизара

Аԥсны Жәлар Реизара - Апарламент - ихадоу Аԥсны Аҳәынҭқарратә азакәанԥҵаратә усбарҭоуп. Аԥсны Жәлар Реизара – Апарламент хәышықәса аҿҳәара рыҭаны иалху 35-ҩык адепутатцәа рыла ишьақәгылоуп.

Аԥсны Жәлар Реизара – Апарламент адепутатс дыҟоуп Аԥсны Аҳәынҭқарра Аконституциеи «Аԥсны Жәлар Реизара – Апарламент адепутатцәа ралхразы» Аконституциатә закәани инарықәыршәаны, Аԥсны Жәлар Реизара – Апарламент аҟны Аԥсны Аҳәынҭқарра Аконституциеи «Аԥсны Жәлар Реизара – Апарламент адепутат истатус азы» Аԥсны Аҳәынҭқарра Азакәани иазԥхьагәарҭо азакәанԥҵаратәии егьырҭ азинмчқәеи рынагӡаразы азинмчы змоу ажәлар рхаҭарнак.

Афункциақәа

Аԥсны Жәлар Реизара – Апарламент:

1) иаднакылоит Аконституциеи Аԥсны Аҳәынҭқарра азакәанқәеи;

2) иаднакылоит административ-дгьылҵакыратә ԥсахрақәа ирызку аӡбамҭақәа;

3) иазыӡырҩуеит атәылаҿы ҭагылазаашьас иҟоуи, аҳәынҭқарра аҩныҵҟатәи, адәныҟатәи аполитика ахырхарҭа хадақәеи урҭ рымҩаԥгареи ирызку Аԥсны Ахада инашьҭымҭақәа;

4) иахәаԥшуеит егьышьақәнарӷәӷәоит аҳәынҭқарра абиуџьет, уи анагӡарагьы хылаԥшра азнауеит;

5) иаднакылоит ашьауӷатә, ашьауӷа-усеилыргаратә, амҩақәҵаратә-џьатә, атәылауаҩратә, атәылауаҩра-усеилыргаратә, абжьаҟазаратәи даҽа закәанԥҵараки, аӡбареиҿкаареи апрокуратуреи ирызку азҵаарақәа;

6) имҩаԥнагоит Аконституциеи Аԥсны азакәанқәеи реилыркаара;

7) ишьақәнаргылоит Аԥсны Аҳәынҭқарра аҳамҭақәеи, аҳаҭыртә, арратә хьӡалкаақәеи;

8) ишьақәнарӷәӷәоит, ишыԥнарго рыланаҳәоит Аԥсны аҳәынҭқаррабжьаратә еиқәшаҳаҭрақәа;

9) иалнахуеит Аԥсны Жәлар Реизара – Апарламент Аиҳаби уи ихаҭыԥуааи;

10) амаҵура ианаҭоит, рхы иақәиҭнатәуеит, азакәан инақәыршәаны Аԥсны Ахада иқәиргыло:

-  Аԥсны Аҳәынҭқарра Амилаҭтә банк Ахантәаҩы;

- Аԥсны Аҳәынҭқарра аӡбаҩцәа;

- Аԥсны Аҳәынҭқарра Апрокурор хадеи ихаҭыԥуааи;

- Аԥсны Аҳәынҭқарра Аконтрольтә палата Ахантәаҩы, уи ихаҭыԥуаҩ;

11) рмаҵура ианаҭоит, рхы иақәиҭнатәуеит Аԥсны Аҳәынҭқарра Аконтрольтә палата аудиторцәа хҩык .

12) иаднакылоит Аԥсны Аҳәынҭқарра Аминистрцәа реилазаара хазы игоу иалахәцәа рыгәрамгара рылаҳәара иазку аӡбамҭа;

13) Аԥсны Ахада ахара иднаҵоит уи имаҵура нижьразы;

14) ирыланаҳәоит амнистиа;

15) иаӡбоит аибашьра рылаҳәареи аинышәара рыбжьаҵареи ирызку азҵаатәқәа;

16) иаӡбоит Аԥсны Жәлар Реизара – Апарламент адепутатцәа рыламкьысра азҵаатәқәа;

17) иаӡбоит иҷыдоу аҭагылазаашьеи аибашьратә ҭагылазаашьеи ралагалара ахьынӡазинрку;

18) инанагӡоит Аконституциеи Аԥсны азакәанқәеи иирыднаҵо егьырҭ азинмчқәа.

Аԥсны Жәлар Реизара-Апарламент Аилакқәа

Аԥсны Жәлар Реизара – Апарламент иамоуп есқьынагьтәи абарҭ Аилакқәа ааба:

– Аҳәынҭқарра-зинтә политиказы аилак;

– Абиуџьети, акредиттә еиҿкаарақәеи, ашәахтәқәеи афинансқәеи рзы аилак;

– Аекономикатә политикеи ареформақәеи рзы аилак;

– Атәылахьчареи амилаҭтә шәарҭадареи рзы аилак;

– Асоциалтә политикеи, аџьеи, агәабзиарахьчареи, адемографиеи, аибашьра аветеранцәеи аинвалидцәеи русқәа рзы аилак;

– Аҵареи, аҭҵаарадырреи, абызшәатә политикеи, амассатә информациа ахархәагақәа русуреи рзы аилак;

– Акультуреи, аҿари аспорти русқәеи рзы аилак;

– Жәларабжьаратәи апарламентбжьаратәи аимадарақәеи аџьынџьуаа рымадареи рзы аилак;

– Аграртә политикеи, аԥсабаратә лшарақәеи, аекологиеи рзы аилак

Аԥсны Жәлар Реизара аиҳабцәа

1) Џьынџьал Сократ Рач-иԥа — I - II-тәи ааԥхьара (1994-2002 шш.)

2) Ашәба Нугзар Нури-иԥа — III - IV-тәи ааԥхьара (2002-2012 шш.)

3) Бганба Валери Рамшьыхә -иԥа — V-тәи ааԥхьара (2012-2017шш.)

4) Кәарҷиа Валери Еремеи-иԥа — VI-тәи ааԥхьара (2017- 2022 шш.)

5) Ашәба Лаша Нугзар-иԥа – VII -тәи ааԥхьара (2022 ш.)

IV-тәи ааԥхьара Аԥсны Аҳәынҭқарра Апарламента адепутатцәа руак

#	Алхратә округ	Адепутат	Affiliation	Notes
1	Аҟәа	Ҭалих Ҳәатышь
2	Аҟәа	Сенер Гогәуа
3	Аҟәа	Рита Лолуа
4	Аҟәа	Баҭал Кобахиа
5	Аҟәа	Лев Шамба
6	Аҟәа	Ирина Агрба		Аиҳабы ихаҭыԥуаҩ
7	Аҟәа	Павел Лешьук
8	Пиҵунда	Роман Бениа
9	Бзыԥ	Валерии Бганба
10	Гагра	Амра Агрба
11	Гагра	Валерии Кондаков
12	Цандрыԥшь	Валерии Маиромиан
13	Otkhura	Гаррик Саманба
14	Дәрыԥшь	Гәрам Гәмба
15	Лыхны	Михаил Сангәлиа
16	Гәдоуҭа	Владимир Начач
17	Аацы	Виачеслав Цыгәба		Аиҳабы ихаҭыԥуаҩ
18	Афон Ҿыц	Виталии Смыр
19	Йашыра	Лев Аҩыӡба
20	Гәымсҭа	Альберт Овсепиан		Аиҳабы ихаҭыԥуаҩ
21	Баслаҭа	Валерии Кәарҷиа
22	Pshap	Сергеи Матосиан
23	Machara	Виктор Висилиов
24	Дранда	Адгәр Харазиа
25	Beslakhuba	Иурии Зыхәба
26	Ҷлоу	Заур Адлеиба
27	Кәтол	Нугзар Ашәба		Аиҳабы
28	Аҭара	Ҭемыр Кәыҵниа
29	Очамчыра	Беслан Џьопуа
30	Тҟәарчал	Даур Аршба
31	Тҟәарчал	Алеқсандр Ченгелиа
32	Уақәым	Емма Гамсаниа		Elected in by-election after the death of Омар Кәарҷиа
33	Ҷубурхьынџь	Иурии Кереселидзе
34	Гал	Виачеслав Ҩардан
35	Shashikvar	Бежан Убириа