Џьонуа, Ҷиҷико Михаил-иԥа

Ҷиҷико Михаил-иԥа Џьонуа, Ҷыҷыкәа Махаз-иԥа Џьонуа (лаҵарамза 27 1915 ш., Ҷлоу ақыҭа, Очамчыра араион) — Аԥсны ашәҟәыҩҩы.

АбиографиаПравить

Диит 1915 шықәса лаҵарамза 27 рзы Ҷлоу ақыҭа Аимара аҳабла Очамчыра араион. Иԥсҭазаара далҵит 1975 шықсәса жәабранмза 25 рзы. Джуп Аҟәатәи ашьхараҿ - ашәҟәыҩҩцәеи ауаажәларратә усзуҩцәеи рпантеон аҿы.

Аимара аҳаблаҿтәи алагарҭатә школ даналга, аҵара иҵон Аҭара, Мықә ақыҭақәа рҿтәи ашколқәа рҟны. 1931 шыҟәсазы Ҷиҷико Џьонуа дҭалоит Аҟәатәи адрамстудиа. Уи даналга, ԥыҭраамҭак Аԥсуа ҳәынҭқарратә драматә театр аҿы актиорс аус иуан.

Акьыԥхь аҿы дцәырҵит 1936 шықәсазы.

Далахәын аҩбатәи адунеитә еибашьра.

Ҷ. Џьонуа акыр шықәса ажурнал «Алашара» редактор хадас даман.

Ипоезиатә рҿиамҭақәа рзы иаҭәашьан Ареспублика аԥсны Д. Гәлиа ихьӡ зху аҳәынҭәарратә премиа.

АҭаацәаПравить

  • Иаб — Махаз Дауҭ-иԥа Џьапыуа
  • Иан — Анна Ҳабаџьа-иԥҳа Инаԥшьԥҳа
  • Иашьцәа — Володиа, Авдениа (Шамил), Џьавдеҭ, Гьаргь (Џьоба)

АбиблиографиаПравить

  • Ашәҭқа ртәыла. Аҟәа, 1950 шықәса.
  • Апоемақәа. Аҟәа, 1956 шықәса.
  • Ажәеинраалақәеи апоемақәеи. Аҟәа, 1957 шықәса.
  • Амаамын сасра ишцаз. аҟәа, 1962 шықәса.
  • Аныҳәаҿа. Аҟәа, 1964 шықәса.
  • Анықәаҿа. Аҟәа, 1966 шықәса.
  • Ацәқәырԥақәа гәаҭеиуеит. Аҟәа, 1972 шықәса.
  • Иалкаау. Ҩ-томкны. Аҟәа, 1975-1976 шықәсәа.
  • Ашәҭқәеи сареи. Аҟәа, 1979.
  • Аныҩбжьы. Ажәеинраалақәеи аиҭагақәеи. Аҟәа, 1982 шықәса.
  • «Иалкаау аԥсуа лирика» асериаҿ. Аҟәа, 1985 шықәса.
  • сара сашәақәа. Аҟәа, 1987 шықёса.

АлитератураПравить

  • Аԥсны аҭҵаарадыррақәа ракадемиа Д. И. Гәлиа ихьӡ зху Аԥсуаҭҵааратә институт, «Аԥсуа поезиа антологиа XX ашәышықәса», Аҟәа-Москва, 2009, ад. 912