Аисберг

Анаҟәоуқәеи Аисбергқәеи - ари аҵааршә ҽыҭ дуӡӡақәоуп, аха урҭ ҭыҧс иахьыҟоу ала дара-дара еиҧшӡам.

Анаҟәоуқәа уҧылоит ахбаарсҭақәа рҿы, аисбергқәа – аӡи аокеанқәеи рыҵаҟа. Урҭ рыҟалашьа апроцесс даара злымҳара зуҭаша акоуп, уи акыр аамҭагьы аҭахуп. Анаҟәоуқәа - аӡымшьа еиҳараӡак иахьеизаку ҭыҧны иҧхьаӡоуп. Анаҟәоуқәа ахьыҟоу аҭыҧқәа беиоуп ихәшәашәоу аӡыҵхәраақәа рыла, уи аџьыка зынӡа имаҷны иалоуп. Ус еиҧш иҟоу аӡқәа ӡыржәтәыс ишьоуп. Анаҟәоуқәагьы аӡымшьа рацәаӡаны ирылоуп. Урҭ иӡсо аӡы иху аҵааршә ҧҽыха дуқәоуп.

Анаҟәоуқәа рыҟалашьа

Анаҟәоу ҟаларц азы акыраамҭа аҭахуп, иара убас аҳауа ҧхара лаҟәузароуп.

Анаҟоу - ари џьарак ирацәаӡаны еизгоу асы ауп. Асы кыраамҭа иуазароуп, аҳауа ҧхара лаҟәызароуп анаҟәоу ҟаларцаз. Ашьшьыҳәа, аамҭа цацыҧхьаӡа анаҟәоу аҧсасира иалагоит. Урҭ ирылшоит аҧхара аҵәахра. Амра аӷьны ианкаҧхо, анаҟәоу аӡыҭра иалагоит, убри аамҭазы уи, ҧшьынеижәи жәаба процент амрашәахәақәа аныҷҷалоит, нас шьҭахьҟагьы иархынҳәуеит. Иаанхаз жәа-процентк аҧхара, анаҟәоу арӡыҭуеит, уи ӡымшьаны иҟанаҵоит. Анаҟәоу ианыҷҷало амра ашәахәқәа анаҟәоу азы ихыхьчагоуп, уи зынӡа имӡыҭырц иацхраауеит.

Аисбергқәа шыҟало

Аисберг - ари анаҟәоу ахәҭак ауп. Аисберг анаҟәоу иаҟәҧаны, анаҩс аӡы иӡсо ихылоит. Лассы-ласс аисбергқәа уҧылоит Антрактидеи Гренландиеи. Зегьы иреиҳау аисбергқәа Антарктида аҿықә иӡсо ихуп. Аисбергқәа реиҳарак шкәакәоуп, еиҳа имаҷны иуҧылоит ииаҵәои ишьацҧштәылоуи аисбергқәа. Избан, аисбергқәа ҧштәырацәала изеилоу, анаука макьана ишьақәнамыргылаӡац, аҵарауаа ари азҵаара макьана аҭҵаара иаламгаӡац. Ишазгәаҳҭаз еиҧш, аисбергқәа аокеанқәа иӡсо ирхуп, уи ус еиҧш иҟоуп избанзар, урҭ ҧшьаала иӡыҭуеит. Аха иҟоуп ҭыҧкаҿы акыраамҭа еиҭамҵуа иаангылоугьы. Ус еиҧш иҟоу аисбергқәа иҵаан иҟоу адгьылбжьахақәа ҳәа ирышьҭоуп. Дара Антарктида иҟоуп, уи Аиааира ҳәа иашьҭоуп. Аҧхарра аныҳаракхалакь аӡыҭра иалагоит, иагьеиҭаҵуеит. Анаҟәоуқәеи аисбергқәеи шьақәгылашьала еиҧшуп, урҭ аҩбагьы ауаҩы изы ихәарҭоуп. Аха, аисберг даара ашәарҭара ацуп. Уи иӡсо аӷбе иареи еиҿасыр, аӷба ҭанархоит. Аӡы ихыубаало аисберг рацәак идуум ахәҭак ауп, уи еиҳау аӡаҵан иҵәахуп. Аӷбаҿы уи рызгәамҭар алшоит, аисберги аӷбеи еинҟьар рылшоит. Убри аҟынтә аисбергқәа ахьху аӷбақәа рныҟәара шәарҭоуп.

Аҵыхәтәажәа

Иашоуп, ауаа зегьы ирылшаӡом анаҟәоуқәеи аисбергқәеи лабҿаба рбара. Ирацәоуп адокументалтәи асахьаркыратә фильмқәа анаҟәоуқәеи аисбергқәеи ирызку. Урҭ рыҟны еиҭарҳәоит иҟалаз афактқәа, анаукатә аартрақәа уҳәа уб. иҵегьы.