Герхьелиа, Кәасҭа Маџьгәыр-иԥа

Кәасҭа (Константин) Маџьгәыр-иԥа Герхьелиа (аур. Константин Меджгурович Герхелиа; жәабранмза 22, 1933 ш., Ӷәада ақыҭа, Очамчыра араион — лаҵарамза 17, 1996 ш.) — Аԥсуа шәҟәыҩҩы, поет, аиҭагаҩ, публицист.

Абиографиа

Диит 1933 шықәса жәабранмза 22 рзы Ӷәада ақыҭа Очамчыра араион. Иԥсҭазаара далҵит 1996 шықәса лаҵарамза 17 рзы. Джуп Ӷәада ақыҭа.

1949 шыиқәсазы Константин Герхелиа дҭалоит Аҟәатәи аҳәынҭқарратә педагогтә техникум, далгоит 1956 шықәсазы. Иара абри ашықәсан даанахәоит А.М.Горки ихьӡ зху Аҟәатәи аҳәынҭқарратә педагогтә институт, далгоит 1961 шықәсазы.

Акыр шықәса аус иуан Аԥсуа телехәапшреи арадиодырраҭареи рҳәынҭқарратә Комитет аҟны, аԥсуа радиодырраҭара данапхгаҩын.

Акьыԥхь аҿы дцәырҵит 1950 шықәсазы.

Абиблиографиа

• Аԥсҭазаара абжьы. Аҟәа, 1959 шықәса.
• Анарха. Аҟәа, 1963 шықәса.
• Наҳар. Аҟәа, 1971 шықәса.
• Ацәлаа анышәҭуа. Аҟәа, 1980 шықәса.
• Иалкаау. Ахәыцрақәа ррыԥхра. Аҟәа́, 1982 шықәса.

Алитература

• Аԥсны аҭҵаарадыррақәа ракадемиа Д. И. Гәлиа ихьӡ зху Аԥсуаҭҵааратә институт, «Аԥсуа поезиа антологиа XX ашәышықәса», Аҟәа-Москва, 2009, ад. 922

Азхьарԥшқәа

• Герхелиа Константин Меджгурович (аур.)
• Герхелиа Кәасҭа Маџьгәыр-иԥа (аԥс.)