Гәлиа, Гьаргь Дырмит-иԥа

Гьаргь Дырмит-иԥа Гәлиа (хәажәкырамза 1 (14), 1913 ш., Аҟәа — жьҭаарамза 18, 1989 ш., Москва) — Аԥсны жәлар рпоет, арккаҩы Д. Е. Гәлиа иԥа еиҳабы. Гь. Гәлиа урыс бызшәала иҩуаз аԥсуа советтә шәҟәыҩҩуп, дпублициступ.

Гьаргь Гәлиа
Аира	1иул. / хәажәкырамза 14, 1913 ш.грег. Аҟәа
Аԥсра	жьҭаарамза 18, 1989 ш. Москва
Аԥсыжра аҭыԥ	Аҟәа
Аусура	ашәҟәыҩҩы, ажурналист
Абызшәақәа	Аурыс бызшәа
Атәылауаҩра	Асовет Еидгыла
Ажанр	повесть
Анашьамҭақәа	Сталинская премия, медаль «За доблестный труд в Великой Отечественной войне 1941—1945 гг.», орден «Знак Почёта», орден Трудового Красного Знамени

Гь. Гәлиа – Қырҭтәылатәи ССР аҟазара зҽаԥсазтәыз асахьаҭыхҩы (1943); СССР ашәҟәыҩҩцәа Реидгыла алахәыла (1934); СССР ашәҟәыҩҩцәа Реидгыла Иреиҳаӡоу анапхгара алахәыла (1955); СССР Аҳәынҭқарратә премиа алауреат(1949); Д. Е. Гәлиа ихьӡ зху Аԥснытәи аҳәынҭқарратә премиа алауреат (1974). Далгеит Аҟәатәи абжьаратәи ашкол (1929); Қарҭтәи аахыҵкавказтәи амҩаеимадаратә нџьнырратә институт (1935). Аус иуан: Амшынеиқәатәи аихамҩа (Дранда – Агәыӡера аучасток) аргылараҿы. ; агазеҭ «Аԥснытәи акомҿар» аредақтор хада ихаҭыԥуаҩыс (1937 инаркны); Аԥснытәи АССР Асоветтә жәлар ркомитет аҿы аҟазара аусқәа рнапхгаҩыс (1939 ш. инаркны); 1948 ш. рзы Аԥсны Сталини Бериеи рхаан имҩаԥысуаз арепрессиатә политика иахҟьаны Москваҟа диасит нхара. Аус иуан агазеҭ «Литературная газета» аҿы, аредколлегиа далахәын. 1968 ш. ихациркит «Литературная газета» ацҵа «Пушкин иныҳәа» аҭыжьра. Аҵыхәтәантәи аномер ҭыҵит 1989 ш. рзы. Гь. Гәлиа авторс дрымоуп «Дынхон-дыҟан аԥсуа ҷкәын» зыхьӡу ахәыҷра иазку ажәабжьқәа рсериа («Адилижанс», «Абомбакажьра», «Нандуи ашәаӡа згәылоу амгьал гьыжьқәеи», «Аҵлашқәа», «Аиубилеи», «Аҵара – лашароуп», «Еицырдыруа Шимкунас», «До-ре-ми-фа», «Азиатцәа рмагә» уҳәа егьырҭгьы, аамҭак ицаныз ауаа ирызку ажәабжьқәа: «Ԥсыуала аԥҳәысаагара»,»Алоль! Алоль!Алоль», «Соиԥсаратәи агуманоид», «Артист иԥсра», «Идырым аԥсуа иԥсра» уҳәа иҵ. ; аповестқәа: «Ашьаура»(1936), «Сакьан ааԥынра» (1947 ш. – СССР Аҳәынҭқарратә премиа занашьаз), «Ақалақь гәыҭбаа» (1949), «Кама» (1953), «Асас еиқәаҵәақәа» (1950), «Ахьатә ҩны» (1961), «Зегьы ирбеит аӡы шыцәаз» (1978), «Апоет, ма Алеқсандр Блок» (191975-1980); ароманқәа: «Аӡыблара»(1959), «Адгьыл гьыжьуанаҵы» (1962), «Омар Хаиам изку аҳәамҭақәа» (1973), «Афараон Ехнатон», «Афинантәи ауаҩы» (1970), «Сулла» (1967-1970), «Михаил Лермонтов ииреи иԥсреи» (1970-1975), «Викинг» (1978-1979), «Гамилькар иԥа Ганнибал» (1982-1983), «Рембрандт» (1983-1986); ашәҟәқәа «Дырмит Гәлиа. Саб изку аповест» (ЖЗЛ асериа; 1-тәи аҭыжьра -1962, 2-тәи аҭыжьра -1965). Адраматә ҩымҭақәа: «1866» (1948), «Афырхаҵа ихра» (1943), аповест «Асас еиқәаҵәақәа» аинсценировка Аԥсуа театр аҿы иқәыргылан 1956 ш. азы. Акьыԥхь зымбац икомедиақәа «Ақьачақьцәа» (1978-1979), «Иҟаҵәҟьоу шәдыруандаз!» (1965). Уи 1966 ш. Москватәи Асоветтә Ар ртеатр аҿы иқәиргылеит арежиссиор Андреи Петров; актк змоу апиесақәа ҩба: «Ари адыд-мацәыс ашьхаҿы» (1978-1979 ш. ш. ), иара убас «Илегендахаз аиаша» (70-тәи ашықәсқәа).

Гь. Гәлиа иҩымҭақәа егьырҭ абызшәақәа рышҟа ирацәаны еиҭагоуп. Уи ианашьан Аџьатә Абираҟ Ҟаԥшь аордени «Аҳаҭыртә аорденқәа хԥеи, иара убас Кирилли Мефодии ирызку болгариатәи аорден 1-тәи аҩаӡара.

Ахархәара змоу литература

• Писатели Москвы: Биобиблиографический справочник / Сост.: Е. П. Ионов, С. П. Колов.— М.: Моск. рабочий, 1987. — С. 125—126.