Ԥлиа, Шамил Хәсеин-иԥа

Шамил Хәсеин-иԥа Ԥлиа (аур. Шамиль Хусейнович Пилиа; абҵарамза 15, 1932 ш., Оҭҳара ақыҭа Гарԥ аҳабла, Гәдоуҭа араион — ԥхынҷкәынмза 21, 2013 ш., Аҟәа) — Аԥсуа поет, апрозаик, ажурналист, апублицист, ауаажәларратә усзуҩы.

Абиографиа

Диит 1932 шықәса абҵарамза 15 рзы Оҭҳара ақыҭа Гарԥ аҳабла Гәдаоуҭа араион.

Оҭҳаратәи абжьаратә школ даналга, 1949 шықәсазы дҭалеит Қарҭтәи аҳәынҭқарратә университет, далгеит 1954 шықәсазы. Акьыԥхь аҿы дцәырҵит 1952 шықәсазы.

Аус иуеит рҵаҩыс, агазеҭ «Аԥсны ҟаԥщь» арудакциаҿ, Аԥсны асахьаҭыҳыҩцәа рфонд адиректорс; 1971 - 1978 шықәсқәа рзы СССР амшын флот иатәу аҳәаанырҵәҟа иныҟәо аӷбақәа ркапдан актәи ихаҭыԥуаҩыс /комиссарс/ дыҟоуп, 1978 шықәса инаркны 1993 шықәса ԥхынҷкәынмза мзанӡа Аԥсуа телехәаԥшреи арадиодырраҭареи рҳәынҭкарратә Комитет дахантәаҩуп. 1997 шықәса инаркны акыраамҭа Аԥсны аҳәынҭқарра Ахада иҟны иаԥҵоу ауааажәларратә хеидкыла дахантәаҩуп.

Абиблиографиа

• Сымхы. Аҟәа, 1959 шықәса.
• Ажәҩашқәа амшьын ихуп. Аҟәа, 1965 шықәса.
• Нарҭ-ӡы. Аҟәа, 1980 шықәса.
• Гәбаа арҩаш. Аҟәа, 982 шықәса.

Алитература

• Аԥсны аҭҵаарадыррақәа ракадемиа Д. И. Гәлиа ихьӡ зху Аԥсуаҭҵааратә институт, «Аԥсуа поезиа антологиа XX ашәышықәса», Аҟәа-Москва, 2009, ад. 925

Азхьарԥшқәа

• Пилиа Шамиль Хусейнович (аур.)
• Ԥлиа Шамиль Хәсеин-иԥа (аԥс.)