Анқәаб, Владимир Платон-иԥа

Владимир Платон-иԥа Анқәаб (аур. Владимир Платонович Анкваб; жәабранмза 23, 1928 ш., Гагра, ССР Аԥсны — абҵарамза 14, 1987 ш., Москва, Урыстәылатәи АСФСР) — Аԥсуа шәҟәыҩҩы, поет, литератураҭҵааҩ, ауаажәларратә усзуҩы.

Абиографиа

Диит 1928 шықәса жәабранмза 23 рзы Гагра. Иԥсҭазаара далҵит 1987 шықәса абҵарамза 14 рзы. Джуп Аҟәа ашьзарҿ, ашәҟәыҩҩцәеи ауаажәларратә усзуҩцәеи рпантеон аҿы.

Хәаԥтәи алагарҭатә школ даналга, а-7-тәи акласс аҟынӡа аҵара иҵион Аҷандаратәи ашкол аҿы, уи ашҭахь диасуеит Тҟәарчалҟа, ашаҳтаҿ аусуреи уахыналатәи абжьаратә школ аҿы.

Абжьаратәи ашкол алгаразы 1953 шықәсазы аԥышәарақәа иҭиуеит Пушкин ихьӡ зху Аҟәатәи вҩбатәи абжьаратә школ аҿы.

Абжьаратә ҵара-дырра аниоу 1954 шықәсазы дҭалоит аҟәатәи аҳәынҭқарратә педагогтә институт.

1956 шықәсазы абраҟа иҵара ааныжьны дцоит Москваҟа, дҭалоит А.М.Горки ихьз зху москватәи алитературатә институт. Далгоит 1961 шықәсазы.

1969 - 1971 шықәсқәа рзы Москватәи аҳәынҭқарратә педвгогтә институт аҿы аспирантура акурс дахысуеит.

Афилологиатә наукақәа дыркандидатын, ддщцентыи.

Акьыԥхь аҿы дцәырҵит 1954 шықәсазы.

Абиблиографиа

Сышьха ӡиас. Аҟәа, 1958 шықәса.
Бзыԥ аԥшаҳәа. Аҟәа, 1960 шықәса.
Сыбзиабара. Аҟәа, 1964 шықәса.
Абрыскьыл. Аҟәа́, 1966 шықәса.
Сышьха хыҵырҭа. Аҟәа, 1971 шықәса.
Асхыс. Аҟәа, 1975 шықәса.
Ааԥыни анаҟәи. Аҟәа, 1980 шықәса.
Иалкаау. Сышьха ӡиас. Аҟәа, 1987.

Алитература

Аԥсны аҭҵаарадыррақәа ракадемиа Д. И. Гәлиа ихьӡ зху Аԥсуаҭҵааратә институт, «Аԥсуа поезиа антологиа XX ашәышықәса», Аҟәа-Москва, 2009, ад. 920-921

Азхьарԥшқәа

Анкваб Владимир Платонович (аур.)
Анқәаб Владимир Платон-иԥа (аԥс.)