Чачԥҳа, Есма-ҳаным
Есма-ҳаным Қучуқ-беи иԥҳа Чачԥҳа (1793 – 1825) — аԥсҳа Аслан-беи иҳәса.
| Есма-ҳаным Чачԥҳа | |
|---|---|
| аҳкәажә Есма | |
 | |
| Аира |
1793 Ԥуҭ |
| Аԥсра | 1825 |
| Адин | аԥсылманра |
| Ахаҵа | Аслан-беи Чачба |
| Амаҵура | аҳкәажә |
Абиографиа
аредакциазураДиит 1793 шықәсазы Ԥуҭ.[1] Лаб Ԥуҭтәи акомендант Қучуқ-беи иакәын. Есма-ҳаным лахь ахшыҩзышьҭра ду аадыр-ԥшуан. 1808 шықәсазы лаб аԥсҳа Аслан-беи дицхрааит. Абри ахҭыс ашьҭахь 1809 шықәсазы, жәаф шықәса зхыҵуаз Есма ԥҳәысс дигеит аԥсҳа Аслан-беи (иара уи аамҭазы ихыҵуан ҩажәи жәеиза шықәса).[1] Лара анхара далагеит Аҟәа, лхаҵа иаҳҭынраҿы. Адырҩаҽны ачара ду руит, уи атәа иҳәоуп Аслан-беи изку ашәаҿ:
" Убас иагьыҟалеит Аслан-беи
Мас-иԥҳа Есма лыԥшәма иакәхеит
Асасцәа рацәаҩны еизеит
Ҿыц еибагаз рзы аҳамҭақәа рацәаны ирзааигеит
Шәкыла ауасақәеи аџьмақәеи
Аҭқәа ҟәазқәа ашҭа ҭбаа инҭаргылеит
Ауарҳалқәеи, ачыҭқәеи, ашқәеи, амаҭәақәеи
Урҭ ацәыргақәҵазы ауадаҿы иқәыргылан "[2]
Есма ахәыҷы длыхшоу ҳаздыруам, избанзар Аслан-беи даҽа ԥҳәыск диман - Дида-ҳаным Гьачԥҳа. Иара убас ҷкәынк диман - Шьырын-беи. Дида ма Есма иԥа иан лакәын, уи еилкка идырым. 1810 ш. ԥхынгәы 10 рзы, аурысцәа Аԥсны иақәлеит. Аслан-беи дыбналеит, аха Есма дицзоу атәы ҳаздыруам. Ма лара дицны Саӡныҟа ддәықәлеит, ма Аҟәа даанхеит. 1825 шықәсазы аҳкәажә Есма лыԥсҭазаара далҵит.[1]
Азгәаҭақәа
аредакциазура- ↑ 1,0 1,1 1,2 Ҷкәан Иури, Аԥсуа аҳцәа Чачаа рашьҭра, Қарҭ: Универсал, 2007.
- ↑ Ари ашәа ианиҵит агерман шәҟәыҩҩы - Фридрих Боденштедҭ.