Қапба, Енвер Ерасҭа-иԥа
Енвер Ерасҭа-иԥа Қапба (аур. Энвер Эрастович Капба, ақырҭ. ენვერ კაპბა; жьҭаарамза 20, 1936 ш. — мшаԥымза 20, 2004 ш., ақалақь Гагра) — аҳәынҭқарратәи ауаажәларратәи усзуҩы, Аԥсны Аҳәынҭқарра Иреиҳаӡоу Асовети (1991-1994), Аԥсны Жәлар Реизареи (1996 ш.) рдепутатсдахын, Аԥсны акоммунисттә партиа Ацентртә Комитет актәи амаӡаныҟагаҩыс дыҟан.
| Қапба, Енвер Ерасҭа-иԥа | |
|---|---|
|
| |
|
|
Абиографиа
аредакциазураЕнвер Қапба 1975-1980 шықәсқәа рзы аус иуан Қырҭтәыла азанааҭеидгылақәа р-Совет амаӡаныҟагаҩыс (Қарҭ). 1980-1986 шықәсқәа рзы — Гагратәи ақалақьтә комитет апартиа амазаныҟагаҩыс. 1987-1990 шықәсқәа — напхгара аиҭон Қырҭтәылатәи Акоммунисттә партиа Ацентртә комитет ахәаахәыҭреи абзазаратә маҵзуреи аҟәаша, анаҩыс напхгара аиҭон Қырҭтәылатәи Акоммунисттә партиа Ацентртә комитет асоциал-економикатә ҟәша (Қарҭ). 1990 шықәса рзы Аԥсны Иериҳаӡоу Асовет ақаҵарала аус иуан Аԥсны Аминистрцәа Реилазаара ахантәаҩы ихаҭыԥуаҩыс.
1991 шықәса рзы иара наԥхгара аиҭон Аԥсны Аҳәынҭқарра абираҟи, агимни, агерби рышьақәырӷәӷәараз акомиссиа. нанҳәамза 14, 1992 ш. шықәса рзы Аԥсны Аџьынџьтәылатәи еибашьра ианалага инаркны Гагра дыҟан. Гагра ахы ианақәиҭҭәха ҩаԥхьа дҟаҵан Аԥсны Аминистрцәа Реилазаара ахантәаҩы ихаҭыԥуаҩыс.